Words

بتعرف شو هو الإيمان؟

إنّو آمن إنّو رغم كلّ المستحيلات، الله يرجع يجمعنا شي نهار

بتعرف شو يعني بحبّك؟

 إنّو عوز أعرف كيفك، كلّ الوقت

 بتعرف شو يعني تحبني؟

 إنّو تخلّيني كون حدّك، عالقليلة بس ما تكون منيح

Do you know what faith is?

It’s believing that, no matter how inconceivable it seems, God will bring us back together eventually.

 

Do you know what loving you is like?

It’s needing to know how you are, incessantly.

 

Do you know what loving me means?

It’s you allowing me to be by your side, at least when you’re not feeling so good.

Apology

(رسالة اعتذار الى اليسا (وكاتب أغنيتها

،اليسا
.أنا منّي من أكبر معجبينك ولا حافظة كل أغانيك. أنا من هول العالم  يلي بيسمعوا كلّ شي وبنقّوا يحبّوا أغاني ومش فنّانين معيّنين
.بس مش هيدا سبب اعتذاري
.انتقدتك كتير وقتا نزّلتي غنيّتك “عبالي حبيبي” من كم سنة
.انتقدتك أوّل شي لأنو الغنّية ما لازم تحكي متلنا، لأنو الغنّية لازم تستعير كلماتنا تتحكي أفكارنا ومشاعرنا شعر
.بعدين انتقدتك أكتر لأنّك محيتي سنين حاربت فيا المرأة لتكون انسان كامل معترف في، قويّة، قادرة تعمل حالها وتحمي حالها
،كنت رافضة البس الأبيض لحدا اذا هالحدا منّو أنا
،كنت رافضة امحي حالي وعمري وأحلامي كرمال حدا
.كنت عم أعمل حالي وطلّع حالي من ماضي ذكوري، مريض، دعسني وجرّب يمحيني من أنا وكان عمري شي ١٠ سنين
.كان صرلي سنين عم جرّب ارجع نام وما كنت قادرة اقبل “ما غمّض عيوني الا أنا” ومين ما كان
.فهمتي علييّ؟ كنت رجعت نام لأوّل مرّة من سنين وما قدرت افهم كيف معقول ضحّي بحالي وبراحة تعبت كتير كتير تلقيتها
.هيدا كلّو تبخّر واختفى وقتا انغرمت بشخص ما تخايلت بحياتي حبّو أو حبّ حدا متلو
.أصلاً بحياتي كلّها، من بعد عمر ال١٠ سنين، لا تخايلت حبّ ولا كان بدّي حبّ ولا فهمت الحبّ
.هيدا كلّو تبخّر واختفى وقتا حبّني شخص ما تخايلت بحياتي يحبّني. ما كنت عارفة انّي بنحبّ متل ما هو حبّني
.عم تفهمي علييّ؟ مش بس عطاني قلبو. ردّني لحالي
.باللّحظة اللّي حبّني فيا عطاني كلّ شي ضاع منّي وتعبت كلّ حياتي تردّوا وما قدرت ردّو متل ما كان
بلحظة عطيتو كلّ شي. عطيتو الحمل اللّي صرلي سنين حاملتو وجارّتو ورايي، عطيتو عمري وقلبي وروحي، وأخدت منّو الحمل اللّي حاملو هو كان صرلو سنين
.رجعت ما نام. هالمرّة بالمرّة. هالمرّة صاروا دموعي ثمينين لأنّو حاملين اسمو
…وصار عبالي حبيبي
.صرت افهم غنيّتك وصرت افهم كلّ أغاني الحبّ وقصصو وأفلامو
.صرت افهم كيف عالم بتموت من قلب مكسور وكيف القلوب المجروحة بتنزف دمّ ما بيخلص وكيف في دموع ما بتنشف
.يمكن ما تقبلي اعتذاري بس عشت كلّ حياتي وما فرق معي الحبّ لحدّ ما عطيت الحبّ كلّ شي
.كيف خلصت القصّة؟ حبّني
.حبّني كتير، تقريبًا قدّ ما حبّيتو
بس ما قدر يخبّر الدني كلّها. خاف. خاف اذا شهدت الدني، الناس بدل ما يشوفوا حبّنا وسعادتنا، يقشعوا بشاعتي وبس وينتقدوا كيف بحبّ وحدة متلي
زعلانة منّو كتير بس بفهمو، بفهم العالم كيف بفكروا، وبحبّو، بحبّو كتير. منّي عم انكر حالي ولا عم امحي كرامتي قدّام ذكوريته. كرامتي معو دايمًا منصانة لأنّو الحبّ جامعنا
ويمكن ما عيش عمر واحد حتّى، ويمكن ما يغمضّوا عيوني بقا، وما رح اقبل البس الأبيض الا اذا وقفت حدّو، وما رح يكون في حدا يحميني. حتّى أنا بطّلت قادرة احمي حالي. ما عطيتو قوّتي كلّها. كان عايزها حبيبي
كيف كنت بقدر ما أعطي ياها؟
.هو يلي كان لازم يحميني من الدني كلّها وحميتو من الدني، ما قدرت الدني تحميني من حبّو
.بعتذر اليسا! بعتذر لأنو فهمت هلّق انّو كلّ كلمة بتنقال للحبيب بتصير شعر لأنها بتحمل مش بس عمر، بتحمل عمرين وقلبين
.رجع كبّلي حملي وبعدني حاملي حملو. صاروا تقال علييّ بس هول الي
.فيكي بس تاخدي عنّي ذنب انتقادك وانتقاد أغاني الحبّ؟ اقبلي منّي هالإعتذار بإسم كلّ يلي حبّوا واتهموهن بجريمة سخافة الحبّ وتفاهتو

 

Scandal

You’re right, you know?

It’s shameful to be in love with me.

It’s shameful to love someone like me.

It’s shameful to be seen with me.

It’s shameful to be ugly, I know.

I learned it, thanks to you. But,… did you know?

I never tried to be hideous.

My ugliness is natural.
How am I going to veil this shame?

.معك حق، بتعرف؟ عيب تحبني

 .عيب حدا متلي ينحب

 .عيب يشوفوك معي

 .عيب كون بشعة، بعرف

 بفضلك صرت أعرف. مع انّو،… بتعرف؟

 .أنا ولا مرّة عملت شي تكون بشعة

 .بشاعتي طبيعيّة

كيف بدّي استر هالعيب؟

Portrait

Do you want to know what hideous means?

Do you want to know what I look like?

Hideous is my identity. I’m not fat, so I can’t lose weight to fit in the beauty standards.

I dress pretty well, and take care of my look. So, a makeover won’t save me.

I have a long slim face with tiny round googly eyes, one slightly larger and rounder than the other, highlighting the asymmetry. My narrow forehead adds a je-ne-sais-quoi to the ugliness, emphasized by my pointy chin. A thin upper lip increases the charm.

I’m ugly, hideous, un-seeable. Or at least, un-seeable without a hint of revulsion.